Vacaciones!

Yá terminamos el cole, y eso quier dicir que tenemos ¡VACACIONES!😉, esti añu son un pocu rares, pero seguru que les esfrutaréis. 

Solo quería dicivos que norabona a toos y toes, fixistis un trabayu escepcional, siguir asina que vais comer el mundu. 

Gracies por enseñame tantu, anque penséis que solo vosotros y vosotres deprendéis, yo tamién apriendo muncho de vós. 

Y que sepáis que vos eché muncho de menos, anque creáis que non, espero volvevos a ver prontu. 

Esfrutái muncho d'estos meses y coyéi muncha fuerza.

Un besu bien fuerte, 

Rebeca.

Equí vos dexo la importancia de conocer la nuesa llingua

llingua

Matriculación en llingua asturiana

‪Dexo equí los cartelos de la campaña d’Iniciativa pol Asturianu pa la matriculación en Llingua Asturiana, vamos pasalo perbien en clase!!

Ya sabéis lo importante que ye la nuesa llingua, tenemos que defendela💪

1º Educación Primaria: Actvidá hasta 15 de xunu

Buenas neñes y neños otra selmana más equí.  Voi dexaros un par de actividaes bien prestoses.

1. Vamos repasar dalguno de los seres mitolóxicos asturianos que tantu vos gusten. Vamos empezar col que mas conocemos poles trastaes que nos fai na clase, el trasgu. Preséntovos al trasgu Tomasín. Tomasín ye un pocu especial porque ye un trasgu al que-y encanta ayudar a los demás y nun faer trastaes 😊. Propóngovos que veáis esti pequeñu cuentu onde nos fala un pocu de Tomasín y depués tenéis que faer un dibuxu del trasgu pero dibuxándolo de la manera que vos lo imaxináis, asina resultará mas risonderu. Amás tenéis que pone-y un nome. Espero los vuesos dibuxos nel mio corréu rebecasg@educastur.org

2. Esta actividá ye bien risondera onde amás de trabayar la espresión corporal vamos poder repasar un pocu les partes del cuerpu. Ye un vídeu onde se vos proponen una serie d’exercicios pa movenos un mizcu. Yá vais ver que risonderu. Propóngovos que me mandéis una semeya o un dibuxu faciendo dalgunu de los exercicios que vos proponen nel vídeu. Abríi enforma les oreyes porque tán falando n’asturianu asina que tamién vamos poder repasar vocabulariu y deprender dalguna pallabrina nueva

4º, 5º y 6º Educación Primaria: Actividá hasta 15 de xunu

Buenas neñes y neños otra selmana más equí.  Voi dexaros un par de actividaes bien prestoses.

1.¿Vos paez que viaxamos munchos años atrás sintiéndonos como Carlos V? Pues entos agora ¡vais alucinar!! Tamos en Tazones, pueblu costeru asturianu. ¿Sabéis que nel so día foi un importante puertu balleneru? 

Pero ¡NON! Vamos tovía más lloñe... milenta y milenta y milenta y milenta y milenta años atrás... ¿Imaxináis per onde voi?  

Pincha equí: Dinosaurios

2. Vamos recordar les partes d'un horru, dempués tenéis un xuegu bien cenciellu.

Esta ye la información :

                         Pincha equí: Vídeu

Pincha equí pa xugar: Horros

Espero que vos presten les xeres, podéis mandame un dibuxu del horru al mio corréu: rebecasg@educastur.org col nome de 5 partes del horru, poner el nome nel dibuxu que voi ponelos nel blog, esto ye voluntariu.

2º y 3º Educación Primaria: actividá hasta 15 de xunu

 Buenas neñes y neños otra selmana más equí.  Voi dexaros un par de actividaes bien prestoses.

1º. Un vídeu  de los bolechas con entrugues para practicar espresiones

Una aventura

2º Propóngovos una actividá bien risondera. Tratase del cuentu “La cuayarapa Martina” cuntáu por Ana Morán. Pídovos que veáis el cuentu, que ye bien risonderu, ya identifiquéis los animales que salen nel cuentu. Tenéis que facer un dibuxu de cada animal que sale y poner debaxo’l nome n’asturianu, esto ye, si por exemplu sal un perru, tenéis que facer el dibuxu del perru y poner debaxo “perru” y asina con tolos animales. A ver que sollertes y sollertes táis porque…. ¡salen un montón!. Depués, por favor, unviáime al mio corréu la xera fecha, recordar rebecasg@educastur.org

Tamién recordar que podéis siguir unviándome les xeres de les selmanes anteriores.

Namás, espero les vueses xeres y, sobremanera, espero que too esto pase bien llueu, que va pasar gracies a toos y toes, y podamos tar xuntos y xuntes dientro poco tiempu. 

Actividá 5º-6º

Bonos díes, esta actividá de xuru que vos presta, ye de Cuadonga y toi segura que conoceisla meyor que naide.

Esta ye la páxina: Cuadonga

Ye un testu y al final trae unes entrugues mui cencielles, con que contesteis a estes val.

·               ¿Por qué ye especial esti enclave del Monte Auseva dende tiempos antiguos?

• ¿Qué significó la batalla de Cuadonga?
• ¿Quién yera Pelayo?
• ¿Qué otros llugares famosos conoces cercanos a Cuadonga?

Y debaxu trae un xuegu que toi segura que vais facelo perbién.

Si tenéis dalguna dulda, mandáime un corréu 

Actividá 3º - 4º

Actividaes del 18 de mayu a 1 de xunu.

Bonos díes, esta actividá de xuru que vos presta, ye de Cuadonga y toi segura que conoceisla meyor que naide.

Esta ye la páxina:  Cuadonga

Ye un testu y al final trae unes entrugues mui cencielles, con que contesteis a estes val.

• ¿Qué significó la batalla de Cuadonga?
• ¿Quién yera Pelayo?
• ¿Qué otros llugares famosos conoces cercanos a Cuadonga?

Si tenéis dalguna dulda, mandáime un corréu.

Actividá 1º y 2º

Actividá del 18 de mayu a 1 de xunu.

¿Acordáisvos de los dibuxos animaos “los Bolechas”', equí vos dexo otru vidéu. 

Dempués contestai a estes entrugues:
¿Quién ye Trasgu nos dibuxos?
¿Por qué lladra Trasgu?
¿Cómo querien llevar a Trasgu al parque?

Equí vos dexo un xuegu de memoria de los personaxes

Xuegu

Recetes

Bonos díes a toos y toes, voi dir dexando dalgunes de les semeyes de les recetes que me mandastis, por protección de datos nun xubo les cares.

La verdá ye que táis fechos unos minichefs, toles recetes tienen bien bona pinta.

Alanah fizo frixuelos

Samir fizo frixuelos

Noa fizo frixuelos

Carlota y Rubén ficieron frixuelos

Mael fizo tarta de mazana

Noa y Carla ficieron galletes de la güela

Marcapáxinas

Equí vos dexo dalgunos de los marcapáxinas que ficieron los neños y neñes de Llingua Asturiana pol día del llibru.

resistiré n'asturianu

Equí tenéis resistiré n'asturianu, espero que vos preste!

Actividaes del 4 al 18 de mayu para 3º, 4º, 5º y 6º de EP

Como pasamos tiempu en casa y podemos faer actividaes coles nueses families, mándovos un vídeu de como se faen frixuelos y buñuelos (receta de Llanes).Tenéis qu’escribir los ingredientes que precisamos pa faer una de les dos recetes o  podéis escribime una receta d'un postre típicu asturianu que vos guste.

https://www.facebook.com/watch/?v=225761205197879

https://www.facebook.com/389214707803298/videos/2753245971439031/        

           

Si quisieran prestaríame muncho que ficieran la receta y me mandara alguna foto o vidéu del procesu  y resultáu, pero esto ye voluntario.   

Actividaes del 4 al 18 de mayu para 1º y 2º de EP

Yá deprendisti la familia nel colexu ¿Qué te paez agora facelo con un xuegu? Pincha equí:

https://es.educaplay.com/juego/5559457-la_familia.html

Norabona! De xuru que lo ficiste perbién.

¿Y si faes un árbol xenealóxicu de la to familia? Déxote ún per equí, por si quies usalo como exemplu o puedes imprimilu. Sinon, dexa volar la to imaxinación.

La reciella sal de casa

Si vais salir de casa recordar les normes

Marcapáxinas

Bonos díes equí déxovos dalgunos de los marcapáxinas que fixeron los neños y neñes d'asturianu

Vamos xugar!

Bonos díes qué tal táis? Espero que sigáis toos perbién.😊

Esta selmana como ye cortina, gustaríame qu'entrarais nesta páxina de xuegos y asi practicarais el vocabulariu, dempués si queréis podéis dexame un comentariu de cual foi'l que más vos gustó nel blog, en teams o nel corréu

Xuegos n'asturianu

Día del llibru

Bonos díes neños y neñes!

Esta selmana, el 23 d’abril ye’l día del llibru.

Propongovos faer un marcapáxines con daqué n’asturianu y si queréis podéis faer una semaya y mandalo al mio corréu, dempués voi xubilo al blog. 

Recordái que les actividaes son voluntaries pero pa que nun se vos escaeza y teáis cercanos a la llingua

Pero otru llau, preséntovos a los bolechas, son unos dibuxos n'asturianu bien guapos, toi segura de que vos van a prestar.

Día del llibru

Bonos díes neños y neñes!

Esta selmana, el 23 d’abril ye’l día del llibru.

Propongovos faer un marcapáxines con daqué n’asturianu y si queréis podéis faer una semaya y mandalo al mio corréu, dempués voi xubilo al blog. 

Déxovos tamién un par de cuentinos que podéis lleer.

Recordái que les actividaes son voluntaries pero pa que nun se vos escaeza y teáis cercanos a la llingua

Cuentu

Día del llibru

Bonos díes neños y neñes!

Esta selmana, el 23 d’abril ye’l día del llibru.

Propongovos faer un marcapáxines con daqué n’asturianu y si queréis podéis faer una semaya y mandalo al mio corréu, dempués voi xubilo al blog. 

Déxovos tamién un par de cuentinos que podéis lleer.

Recordái que les actividaes son voluntaries, pero pa que nun se vos escaeza y teáis cercanos a la llingua

Cuentu

Actividaes 6º